【Now財經台】據《彭博》報道，瑞聲科技(02018)擬發離岸人民幣債，金額不逾32億人仔，瑞聲回覆《彭博》查詢時冇否認「抽水」，僅稱發點心債係融資選項之一。消息可信性有幾高？集資所得有咩用途？
元宇證券大中華區股票投資總監趙晞文相信，瑞聲好大機會發債集資，今次有可能係故意放風試水溫，睇下整體市場及機構投資者有幾大需求，再決定最終定價及其他詳情，最終集資金額係咪32億人仔，甚至更多，就要視乎機構投資者反應。
晞文續指，瑞聲喺市場上一向較少動作，今次發債集資可能係中長期戰略規劃，用途包括投資光相關業務，例如光傳輸或人工智能(AI)數據中心、液冷等相關業務，希望更多增長曲線。
