【Now財經台】銀河娛樂(00027)今日(12日)中午出咗業績，上半年博彩收益按年持平，期內，經調整EBITDA及淨收入按年和按季都要跌，股價喺業績後大幅抽高，一度升3.6%，高見34.2元，點睇呢份業績？
元宇證券投資總監林嘉麒指，銀娛第2季貴賓廳表現麻麻，除咗受世界盃影響，部分原因係公司某方面嘅表現都做得差咗，按季顯著下調，不過，似乎市場之前已經有預期，所以股價喺呢方面冇太大反應。
KK又話，銀娛個市盈率(PE)Range已自低位反彈，不過，處於PE頻寬中間偏低位置，未來要大市，甚至內地經濟好，股價先會有啲爆發力，依家只係一隻值得買入揸1至2年嘅股份。
