【Now財經台】有「東南亞小騰訊」之稱嘅冬海集團(Sea Limited)，主要有3大業務，即電商蝦皮購物(Shopee)、數字金融Monee、遊戲業務Garena，集團最新出咗第2季業績，3瓣業務收入都錄得雙位數增長，加上花旗集團指，Sea經調整除利息、稅項、折舊及攤銷前盈利(EBITDA)好過預期，上季業績有冇挑剔位？Sea同騰訊控股(00700)業務可比性多唔多？如果二揀一應該點揀？
獨立股評人莫灝楠指，Sea遊戲業務收入增長較慢，主要受幾年前《英雄聯盟》遊戲代理業務結束影響，但現時Garena旗下有《Free Fire》及《Monster Hunter Outlanders》新遊戲撐住增長，而Sea股價亦反映整體業績理想。
Casper續指，騰訊大部分業務係來自中國，但中國業務增長已見頂，加上不斷燒錢撐住遊戲業務緩慢增長，相比之下，Sea營收率，以及南美洲和東南亞業務會令收入增速加快，所以會揀Sea。
