【Now財經台】騰訊控股(00700)今日(12日)出業績，股價昨日(11日)已偷步跌，今朝再低開後，一度跌逾3%，低見456.2元，放榜前應該點部署？
星展香港環球金融市場上市產品策略師鍾宛婷指，騰訊業績係市場焦點之一，唔少好友趁低吸納部署業績，如果睇好騰訊業績，建議揀短身少少嘅條款，行使價約500元，槓桿6倍，明年1月到期嘅CALL，時間值損耗唔大，如果保守啲，績前分注部署就揀長身CALL，行使價約500元，實際槓桿約4倍，勝在防守性高。
如果睇淡騰訊業績，建議揀行使價400元，今年11月底到期，槓桿約7倍嘅PUT。
