【Now財經台】港交所(00388)推出5年期中國國債期貨，係全球首發產品，相信一般投資者較少接觸國債衍生產品，國債期貨有咩特質？適合邊類投資者？
資深證券業人士溫天納指，國債期貨係利率嘅衍生產品，主要用嚟對沖利率風險及管理全期情況，但對一般散戶投資者嚟講就作用唔大，值得留意係，若外資透過債券通投資內地債市，當投資者面對利率變化時，會比較難做對沖，建立咗呢個期貨市場後，對於對沖空間會有一個緩和效果，不論利率升跌都有空間。
Ronald相信，呢個係離岸市場，唯一離岸人民幣計價債券衍生工具，交易會有較大彈性，整體嚟講，對投資者有更大對沖方面嘅補充，強化港股相關嘅投資機遇，而「互聯互通」方面有更好嘅平台。
