【Now財經台】港交所(00388)上半年日均成交逾2830億元，創新高，按年升18%，集團上半年多賺24%，如果單計第2季，純利按年增長21%，不過，今年7月開始，內地推出境外投資新規，會唔會開始對大市成交帶嚟負面影響？
元宇證券投資總監林嘉麒指，雖然市場擔心下半年證監會修訂嘅新規例，加上保險、稅項等問題，但其實仲有1至2年過渡期。佢又話，睇返業界依家嘅情況，未見好多客戶因內地投資新規而取消戶口，因此，估計短期內唔會有大變動。
KK又指，恒生指數之前落至22500點後，成交都升返，現時日均成交都有約2000億元，所以都對港股下半年成交樂觀，若美國聯儲局真係減息，都有機會利好港股。
