【Now財經台】百威亞太(01876)今朝(30日)開市前出咗業績，表現好過預期，刺激股價業績後一度炒高10%，高見7.64元。雖然百威第2季收入及銷量都要跌，EBITDA亦跌9.7%，但純利按年增長41%至2.47億美元，點睇呢份成績表？
耀才證券研究部總監植耀輝認為，百威亞太係高端品牌，由於公司喺各地建立新品牌，令銷售情況好轉，令毛利有改善。佢指出，集團南韓業務次季錄得低雙位數增長，可能受惠於世界盃及其他大型節日，反觀內地業務一直未有改善，表現較差。
Stanley續稱，鋁罐成本佔比唔細，加上今次業績主要受惠於所得稅開支大減，因此，對下半年業績有保留，建議未有貨嘅投資者可以再觀望。
