【Now財經台】內地央視昨日(21日)報道一宗有關「乙女遊戲的未成年人充值亂象」新聞後，拖累多隻遊戲股表現，其中，騰訊控股(00700)股價今日(22日)急瀉7%，收報440.6元，係咪純粹受呢個報道影響，還是仲有其他原因影響遊戲股表現？如果諗住炒業績，應唔應該依家入場？
方德證券分析師李浩然認為，內地過去都有唔同政策監管手遊，加上公募基金大比例減持騰訊，據Sensor Tower估算，騰訊第2季手遊流水按年倒退2.6%，呢啲因素都係今日跌市催化劑。佢又提及，現時騰訊仍靠逾10年前開發嘅3款王牌手遊撐住，新手遊似乎未能做到舊遊戲嘅成績，都令市場嘅憂慮加劇。
Eric續指，雖然騰訊估值好平，預測市盈率(PE)約15倍，但外資投行估計，2026年每股盈利僅28.47元，市場現時都有共識公司下半年盈利將會倒退，因此，佢認為未來喺估值收縮下，股價將會受壓。
