【Now財經台】阿里巴巴(09988)係今日(13日)早段升市功臣之一，曾高見115.1元，升4.4%，已連升4個交易日，進一步挑戰50天線，升上1個月高位，好友連日食糊，如果依家想入場可以點部署？
中信證券國際股權衍生品銷售聯席董事李佳原指，阿里股價喺過去5個交易日表現搶鏡，好倉keep住有資金追捧，因為恒生指數彈上24000點樓上，樂觀嚟睇今輪唔係普通嘅技術反彈，若大市要向上都要有隻領頭羊，有可能係阿里。
Sam又指，資金傾向揀貼價CALL，行使價約120元，年底到期，槓桿做到約5倍，呢類條款相對受歡迎，近排引伸波幅算平穩。
