【Now財經台】蘋果公司(Apple Inc.)供應鏈龍頭，有A股「果鏈3巨頭」之一稱號嘅立訊精密(02475)，昨日(9日)首掛「潛水」，今早(10日)先跌後升，一度升2.3%，高見63.75元。立訊精密暫時只得CALL輪，昨日有約51萬元資金流入，睇返條款，全部CALL嘅引伸波幅都逾90%，甚至逾100%，槓桿介乎2倍至3倍，行使價就較分化，做部署時乜嘢係首要考慮？
法興證券上市產品銷售部董事蔡秀虹指，睇返昨日上市嘅產品，行使價78元至118元以上都有，相對貼價嘅CALL較多資金留意，而揀較價外嘅CALL，實際槓桿可能比貼價CALL只係高少少。
佢又話，如果想揀較保守嘅條款，可以考慮較貼價嘅選擇，行使價約78元，明年1月初到期，實際槓桿約2.5倍。
