【Now財經台】蘋果公司(Apple Inc.)供應鏈龍頭，有A股「果鏈3巨頭」之一稱號嘅立訊精密(02475)今日(9日)上市，集團今日「股輪齊發」，早段多唔多資金部署？條款方面，窩輪到期日全部都係明年1月，槓桿介乎2倍至3倍，行使價介乎80元至近120元，應該點部署？
花旗上市衍生產品部副總裁麥穎儀指，今朝未見有太多資金追入立訊嘅窩輪，因為投資者都想睇定啲先，始終股價今日首掛都要「潛水」，一度較招股價低近10%，低見57.2元。
Jenny又指，市場上嘅輪證產品引伸波幅都比較分化，由94窩去到逾110窩都有，由於上市首日投資者或對引伸申波幅有戒心，擔心之後有縮窩風險，可考慮選擇引伸波幅較低嘅產品，例如94至95窩，行使價80元及102.475元，而價外幅度較大，行使價102元嘅產品，槓桿逾3倍，係全場最高。
佢又指，如果想揾較貼價產品，其中一類條款可以比到約95窩嘅引伸波幅，實際槓桿2.7倍，想揾平窩產品可以留意呢兩隻窩輪。
