【Now財經台】恒生指數今日(8日)一度狂飆逾800點，並成功收復24000關，傳統科網股成升市功臣，其中，阿里巴巴(09988)一度勁升近14%，重返「紅底股」，高見109元，阿里對上一次大升，已經係去年9月1日，股價今日大升係咪同市傳集團旗下阿里雲上季收入增速加快有關？
方德證券高級分析師莫灝楠指出，雖然阿里股價今日錄雙位數升幅，但今年以來仍累跌近30%，今日股價反彈主要係雲業務回暖，加上旗下淘天集團蝕少咗，唔少業務都有好轉。
雲業務方面，Casper就話，可唔可以維持到約40%增長，取決於唔同因素，雖然對雲端服務有期望，但相信利潤率難去到包括Google在內美國3大雲端服務商水平，加上國內大模型Token價錢「內捲」嚴重，以及盈利能力不及Google、Amazon，始終兩家公司有完整配套嘅商業模式，可支持人工智能(AI)模型發展，例如電商，搜索引擎及手機業務。
