【Now財經台】中國生物製藥(01177)股價今日(8日)一度大升6.8%，高見5.15元，集團喺開市前公布，跟阿斯利康(AstraZeneca)就集團自主研發嘅1款吸入式雙重抑制劑，獲2億美元首付，而喺3月亦同Sanofi就羅伐昔替尼(Rovadicitinib)訂立獨家授權協議，收益合共最多逾15億美元，中生製藥喺短時間內做到兩單藥物授權，係咪反映公司嘅研發實力？
元宇證券投資總監林嘉麒指，中生製藥喺短時間內有兩單藥物授權，相信唔止反映研發能力強，產品種類亦好多，所以吸引到幾家國際大藥廠合作，佢認為，未來或可以產生協同效應，生科股之中，中生製藥外業務可以話係行得比較快。
KK又話，中生製藥股價潛在升幅大，但暫時市場都唔係太睇基本面去炒，依家都係資金帶動成個市況，以現價計，市盈率(PE)約16倍，仍然屬於低水平，樂觀及大膽啲睇，未來幾年見返之前高位，即9元水平機會都大。
