【Now財經台】港股板塊今年強弱懸殊，強勢股方面，今年暫時以聯想集團(00992)走勢最凌厲，狂飆近1.5倍，寧德時代(03750)、藥明康德(02359)及創科實業(00669)亦累升30%至40%，弱勢股就以科技平台股為主，唔少都係藍籌股，未來會唔會蔓延至其他藍籌？
天風國際李偉傑指，平台股近月受約談消息影響，加上行業「內捲」問題，導致股價持續疲弱，不過，呢啲股份本身其實冇大問題，可能係市場未完全消化負面消息，呢啲弱勢股短期都睇唔有咩亮點，雖然汽車、旅遊、平台股表現都麻麻，但情況未必蔓延至其他股份，始終依家港股係呈兩極化。
Jason又話，聯想股價強勢其中1個主因係公司喺人工智能(AI)方面同英偉達(Nvidia)有合作，「寧王」就因為喺儲能及行業有領先地位而跑出。
至於屬於金融股嘅滙豐控股(00005)及中銀香港(02388)，就炒加息預期及財富管理業務前景，佢建議投資者揀穩定及獨特性強嘅股份，亦可以考慮受惠於外圍造好嘅股份。
