【Now財經台】中國建材(03323)持有唔少A股，包括中國巨石持股貨值約550億人仔、中材科技約830億人仔，現時中建材H股市值逾228億元，加埋內資股總市值逾467億元，但持股得多唔代表有著數，中建材H股有一半以上嘅折讓幅度，點解折讓幅度咁大？中建材股價今日(17日)一度狂飆近25%，高見6.61元，主要係市場繼續搵PCB(印刷電路板)相關股炒。
方德證券高級分析師莫灝楠指，呢啲股份喺A股有天然溢價，股民嘅在岸人民幣冇法自由流通，促使佢哋投資當炒嘅股份，A股溢價自然比境外股份高，令H股有折讓。
Casper又指，控股折讓方面，市場會用分類加總估算法(SOTP，Sum of the Parts)對計算公司值幾多錢，呢個計法會產生天然折讓，而計算所得嘅價值，唔等於業務本身嘅價值，因為唔係直接擁有間公司，加上中建材孭重債，所以折讓較大。
