【Now財經台】建滔集團(00148)今日(11日)除淨，作為印刷電路板(PCB)概念股，集團受惠於人工智能(AI)算力需求急增，股價近日強勢，今朝走勢反覆，輕微低開後，一度倒升逾8%，高見96.05元，創新高，但之後又跌過，現時輪場上大部分都係CALL，好多已經到價，就算未到價都已經好貼價，價外約6%，槓桿做到2倍，股價升至現水平仲值唔值博？
法巴上市衍生產品部銷售及市場推廣主管李梓維指，不論係建滔或建滔積層板(01888)，投資者喺正股賺咗唔少，有部分投資者將資金部署CALL，想博再升多浸。值得留意係，建滔股價近期已升咗唔少，升至現水平，價外產品已剩返好少，包括行使價約95元等條款，引伸波幅亦較高，想博升多浸嘅投資者，可以考慮3倍槓桿嘅條款會較合適。
