【Now財經台】美國國防部昨日(8日)更新「中國軍事企業」(CMC)名單，呢啲公司被認定協助中國軍方發展，阿里巴巴(09988)、百度集團(09888)、藥明康德(02359)等數十家企業「上榜」，不過，消息對市況影響唔大，可能因為呢啲企業可以上訴，還是市場早已經預咗？
港灣家族辦公室業務發展總監郭家耀表示，要從兩方面去分析，首先，名單設有剔除機制，亦有先例，所以仍要觀望後續發展，其次，各企業業務面向嘅客群唔同，若主要客源喺美國影響就會較大，相反，只係少咗業務發展想像空間，加上市場都有心理準備，中美喺「習特會」後，可以恢復公平貿易嘅機會唔大。
Matthew續指，以被列入「黑名單」嘅比亞迪為例，股價今日(9日)午後一度迫近90元，主要係集團海外銷售理想，獲摩根大通上調目標價至124元，暫時睇唔到黑名單事件有好大影響。
