【Now財經台】上市「滿月」冇耐嘅曦智科技(01879)今日(4日)午後復牌，股價一度急瀉近25%，低見532元，公司出通告指，董事會決定唔派息，係咪因為咁所以對股價造成咁大衝擊？
耀才證券研究部總監植耀輝指，本身呢類公司派息機會都細，因為呢類潛力大、高增長嘅公司，通常都係蝕緊錢，又或者冇乜收入，其實派息真係「諗多咗」，雖然最後決定唔派息，但畢竟之前都比咗個憧憬市場，同埋最近市場氣氛一般，所以兩個因素結合下，就對股價造成較大衝擊。
Stanley又話，光通訊相關股係一個焦點板塊，唔少公司都不斷強調將來行業發展嘅重要性，相信係未來發展大趨勢，前景相對睇得樂觀，不過，現階段技術仍未到一個好成熟嘅階段，有好多難題都未解決，後續發展仍充滿挑戰，所以短線唔會考慮曦智。
