【Now財經台】截至早上11時止，過去1小時內《彭博》用戶搜尋量最多港股，依次為曦智科技(01879)、中國宏橋(01378)、威勝控股(03393)、哈爾濱電氣(01133)及小米集團(01810)。
曦智科技今日(28日)首掛，股價一度較招股價炒高4倍，高見930元，公司係「18C章」未商業化嘅特專科技公司，業務都係同人工智能(AI)發展、數據中心相關，中午收市較招股價炒高3.5倍，抽中係咪應該食糊先？
王道資本及家族資產管理執行董事黃敏碩指，其實好多本新股都係以供應及需求為主，雖然近期市場睇好人工智能(AI)及算力相關股份，唔少投資者都願意長揸，不過，氣氛上投資者都係比較分化，加上過往好唔少同大模型相關嘅半新股喺高位回調，既然曦智科技首掛炒到咁高，投資者都不妨先計一計數，依家先食一浸糊都不為過。
