【Now財經台】昨日(27日)科技產研究顧問公司(TrendForce)公布首季全球新能源車銷售量排名，其中，Tesla以12.9%市佔率重奪純電動車「一哥」地位，不過，內地純電動車車廠如比亞迪股份(01211)，市佔率由15.6%跌至10.9%，究竟係Tesla做得好咗，還是比亞迪做得差？
艾德金融執行董事陳政深指，Tesla主要都係嗰兩款車，最多都只係有少少改版，但因為內地「內捲」，導致電動車車廠市佔率大跌，值得留意係，汽車本來係耐用品，市場購買力唔高，以及換車周期長，內地價格戰一直消耗購買力，令啲大品牌車廠爭下層市場，例如非一線及二線城市，變相透支咗好多購買力。
Ryan續指，中外車廠策略唔同，國際車廠一直賣既有型號，但比亞迪產品線太廣闊，會影響毛利增長，加上內地市場「內捲」嚴重，導致市佔率受損。
