【Now財經台】截至早上11時止，過去1小時內《彭博》用戶搜尋量最多港股，依次為中芯國際(00981)、比亞迪股份(01211)、紫金礦業(02899)、貝殼(02423)及紫金黃金國際 (02259)。
貝殼昨日(19日)出咗首季業績，經調淨利潤按年增長15.7%，但淨收入按年跌19%，毛利率創7個季度新高，放榜後，高盛及花旗上調貝殼全年盈利預測。貝殼股價4月之後走勢強勁，今日(20日)一度高見49元，大升7.5%，但之後有獲利壓力，更開出1支「大陰燭」，係咪反映市場仍對內房冇信心，趁股價彈就沽貨？
高歌證券金融首席分析師聶振邦指，的確有見彈就沽嘅可能，貝殼出完業績後，可能市場預期暫時未必再有利好股價嘅消息，所以趁高散貨。
聶Sir又話，貝殼上季收入要跌，若未來收入繼續有放緩壓力，最終會反映喺盈利增長上。佢續指，睇返日前出爐嘅「三頭馬車」數據，其中，零售遠低過市場預期，增速係2022年以嚟最慢，所以投資者未來宜對消費股審慎啲。
