【Now財經台】英偉達(Nvidia)將會喺美股今晚(20日)收市後派季度成績表，呢份業績有咩要留意？點評估放榜後股價走勢？近日人工智能(AI)及半導體相關股獲利壓力唔細，而資金就流向防守股，其中，可口可樂(Coca-Cola)股價破頂，更連升7個交易日，股價已突破81美元。港股方面，明星AI股都跟隨外圍回調，係咪大型科技股始終較穩陣？
泓瀚資本董事盧志威指，三星電子(Samsung Electornics)工會明日(21日)開始大罷工，一定對整個半導體產業帶來衝擊，令相關股份出現回套，不過，今次大罷工屬於人為因素，估計情況仍然可控。
Nvidia股價今年都升咗唔少，最新已突破220美元，創新高，今晚出爐嘅季績要留意定單數量及新產品有咩進展，佢估計，Nvidia業績問題唔大，主要留意業績指引。
港股方面，William話，市場似乎對港股新興大模型相關股熱情減退，現時大型科技股如騰訊控股(00700)及阿里巴巴(09988)估值算平，若估值調升，可以博10%至20%升幅。
