【Now財經台】寧德時代(03750)境外投資平台公司斥資逾9.4億美元，入股喺美國納斯達克上市嘅世紀互聯(VNET)約38%，雙方計劃共同推動新一代人工智能(AI)數據中心產業。不過，消息傳出後，寧德股價反應唔算太大，早段一度升5.1%，其後升幅顯著收窄，點睇寧德前景？
艾德金融執行董事陳政深認為，寧德今次投資規模較細，亦未有整合新舊業務，市場純粹視為戰略投資及業務合作平台，所以唔會有太大憧憬，導致股價反應一般。
不過，Ryan留意到寧德對於建立垂直data centre，以及存儲生態圈已有一定部署，寧德喺5個星期內，入股VNET約38%及中恒電氣母公司49%，又簽咗海博思60 GWh 鈉離子電池合約(ESS)定單，反映寧德完善咗資訊中心嘅電力架構能力，公司希望向AI算力硬件及基建上業務上作分散。
Ryan續指，有大行給予寧德725元目標價，市場亦Price In寧德喺AI布局，因此，相信股價仍有10%至20%上升空間。
