【Now財經台】寧德時代(03750)昨日(28日)宣布折讓「抽水」，拖累股價收市挫6%，今日(29日)繼續跌，一度挫2%，低見614元。資金流方面，好倉連續5日有資金流入，5日合計有3900萬元坐貨，寧德股價之前破頂，依家出現回調，後市應該點部署？
花旗上市衍生產品部副總裁麥穎儀指，依家寧德股價落到3月底低位，吸引唔少投資者入場，今日即市資金都趁再回套繼續留意好倉，條款選擇都唔少，要高槓桿、低銀碼就要揀到相對價外少少嘅產品，建議可選擇行使價1000元以外，今年9月中旬到期，實際槓桿做到7.5倍，雖然呢類CALL較價外，但較受投資者歡迎，如果對寧德後市走勢有期待，可以考慮類似產品做好倉部署。
