【Now財經台】截至早上11時止，1小時內《彭博》用戶關注度上升最多港股，依次為招金礦業(01818)、新世界發展(00017)、騰訊控股(00700)、紫金礦業(02899) 、泡泡瑪特(09992)。
今日有2隻金礦股上榜，美國通脹升溫，其中，4月生產物價指數(PPI)按年急升6%，升幅係3年最大，令加息憂慮升溫，加上聯儲局新主席沃什(Kelvin Warsh)好快就上任，息口走向都較難估計。另一方面，金價落返每盎司4700美元樓下，雖然今日(14日)亞洲交易時段跌得唔多，但黃金相關股仍要捱沽，仲愈跌愈多，其中，招金跌幅最大，其實唔少分析認為美息今年好大機按兵不動，係咪可以吼金股跌過龍時執平貨？
富途證券高級分析師馮文慧指，由於PPI高過預期，令市場擔心通脹前景，繼而影響減息預期，但佢估計，聯儲局今年唔加息亦唔減息嘅機會較大，就算加息都可能係明年，金礦股今日跌得比較急，紫金跌至5日低位，招金更落到3個月低位，有可能係之前炒過龍或本身都係弱勢，因為金價喺呢段時間都唔上唔落。
Anna續指，外圍局勢唔明朗，加上預期美國唔會咁快加息，持有黃金都係較穩陣嘅配置，而喺依家嘅市況下，買金礦股其實都係唔錯嘅選擇，因為現時買入有一定值博空間。
