【Now財經台】截至早上11時止，1小時內《彭博》搜尋量最多港股，依次為泡泡瑪特(POP MART)(09992)、吉利汽車(00175)、瑞聲科技(02018)、劑泰科技(07666)及美團(03690)。
泡泡瑪特公布首季整體收入，按年增速放緩至介乎75%至80%，但唔少大行都話好過預期，集團股價今早(13日)高開後，好快就倒跌，一度挫近4%，低見156.8元，點評估今年餘下3個季度嘅增長？
資深證券分析師彭偉新指，今年餘下3個季度收入增長再多20%有難度，主要係去年同期增速加快，今年要再追就代表銷售要更強勁，不過，現時單一IP只有Labubu嘅Monster系列表現較好，幾個唔同產品線都回落緊，好難帶動整體銷售。
Castor又話，尤其現時海外市場銷售冇預期咁好，集團揀新增銷售點都變得審慎，而國內銷售增速亦開始平常化，海外又冇新動力，估計泡泡瑪特今年餘下3個季度銷售，甚至有可能唔達標，加上受地緣政局因素影響，導致成本上升，只要有1個季度唔達標，之後要再追返就難上加難。
至於首間直營甜品店Top Bakery，佢就話唔係特別睇好呢個部署，因為…
