【Now財經台】截至早上11時止，過去1小時內《彭博》用戶搜尋量最多港股，依次為建滔積層板(01888)、濰柴動力(02338)、小米集團(01810)、長飛光纖光纜(06869)及泡泡瑪特(09992)。
建滔積層板股價今日(30日)先升後倒插，高開逾1%後，升幅一度擴大至約3.4%，見新高位38.78元，但其後走勢急轉直下，曾倒跌9.6%，低見33.9元，集團股價近期不斷破頂，單計4月，截至昨日(29日)已累升95%。此外，有消息指，由於銅價高企及玻璃布供應緊張，集團旗下覆層面板會加價10%，「五一」黃金周長假就到，廠房會暫時停工，有貨係咪趁長假前食糊？
香港股票分析師協會副主席曾永堅指，建滔積層板前景仍然樂觀，加上人工智能(AI)設備需求持續增長，覆層面板玻璃布有加價能力，睇返盈利前景及估值，後者有望進一步推升。
Jaseper續指，建滔積層板股價短時間內已累升80%至90%，加上中東局勢仍然唔明朗，股市或於一至兩日內有大調整風險，所以資本市場更傾向短線買賣，佢建議之前喺20元水平入市嘅投資者，可以先沽出部分持股獲利，如果睇返技術走勢，股價喺10天線，即33元水平有支持，而24倍市盈率(PE)亦算合理。
