【Now財經台】港鐵公司(00066)行政總裁楊美珍表示，正積極拓展內地及海外業務，期望改善經常性收入，而為確保有足夠現金流，正透過發債等不同方式融資。
目前，港鐵正推進屯門、大嶼山及北部都會區等多個新鐵路項目，總投資額高達1400億元，面對龐大基建開支，楊美珍接受本台與《信報》聯合製作節目《一語千金》訪問時指，首要是確保中期有足夠現金流，正積極透過發債等方式融資。
楊美珍說:「我哋依家手頭上有7個鐵路項目做緊，嚟緊仲有幾個同政府商議緊，未包括北環綫二期及南港島綫西段，其實已經係1400億元，我諗我哋最重要係呢段時間有足夠現金流，因為將來到物業起好、車站起好，收入就會嚟，我哋喺唔同地域，或者唔同工具，有唔同方法去融資，希望管理到我哋盤數，有足夠現金流。」
在多個鐵路項目中，預期2034年開通的北環綫，楊美珍強調是重中之重。
楊美珍說:「北部都會大家都明白，真係香港嘅重中之重，所以港鐵一定係全力配合，喺整個北部發展裡面，其實北環綫主綫及支綫，將來都會有一個好重要嘅角色，可以話係將成個北部，即係東、西及再向北啲，整個地方都有鐵路接駁到，無論係住宅、新嘅生態，各樣嘢都係好靠鐵路。」
她續稱，港鐵同時積極拓展內地及海外業務，期望改善經常性收入。
楊美珍說:「例如喺澳洲，我哋啱啱今年年頭贏咗一個Sydney Metro West嘅項目，另外喺內地，其實我哋喺北京已佔當地五分之一嘅綫路及客量，我哋都會睇例如北京，可唔可以再擴展我哋嘅業務，有冇多啲嘅新綫，我們當然喺深圳、杭州都有營運。」
她又指出，港鐵近期制定了5年計劃，配合國家「十五五」規劃，除支持北都發展，亦包括跟內地企業「併船出海」，拓展海外業務，亦希望在科技發展起帶動作用，她舉例說，集團正籌備明年推出來往高鐵西九龍站與機場快綫九龍站的無人駕駛車接駁服務，接載貴賓或長者等有需要乘客。
