【Now財經台】騰訊控股(00700)股價連升3日後，今朝(17日)跟隨大市向下，一度低見506元，跌2.1%，投資者可以點部署？
星展香港環球金融市場上市產品策略師鍾宛婷指，大部分投資者喺騰訊跌穿500元時，已經趁低撈好倉，對上兩日股價跟隨大市向上，好友已陸續食糊，因此，過去5個交易日只有約1600萬元坐貨。
佢又話，騰訊近期表現差過阿里巴巴(09988)，主要係大股東減持帶嚟壓力，亦因為集團5月會出業績，所以回購喺4月9日後就暫停咗，都對股價有影響。
投資部署方面，Kathrin建議視乎投資者目標而定，如果想博短線反彈，可以考慮行使價大約價外20%，9月底到期嘅CALL輪，槓桿約8倍。如果想做中線部署及分批吸納，建議選擇槓桿約3倍，明年8月底到期嘅產品，雖然槓桿細啲，但時間值損耗會少好多。
