【Now財經台】圖達通(02665)昨日(8日)收市後出咗首季出貨量數據，激光雷達產品總出貨量按年大增3.4倍，表現亮麗，帶動股價今日(9日)造好，一度勁升22%，高見10.41元，但之後升幅顯著收窄，相比同業速騰聚創(02498)及禾賽(02525)，圖達通嘅產品應用領域夠唔夠獨特，足以吸引投資者入市？
艾德金融執行董事陳政深認為，激光雷達行業涉及雷射感測、高精密光學產品，其他企業唔容易進入呢個市場及競爭，因此，現時行業都係由幾家大企業寡頭壟斷。佢又提及，圖達通獵鷹系列專攻第3級以上嘅高階自動駕駛超遠距監測，技術高於市場分水嶺，因此，意味公司擁有精密硬件去保持市場地位，所以有一定獨特性。
Ryan又認為，即使圖達通毛利率有改善，但仍低過同業，即使公司全年埋單仍要蝕錢，但作為龍尾股代表，股價仍有進步空間，因此，都會吸引部分睇好未來增長潛力嘅投資者入手。
