【Now財經台】截至早上11時止，1小時內《彭博》用戶搜尋量最多的港股，依次為領展房產基金(00823)、吉利汽車(00175)、長飛光纖光纜(06869)、智譜(02513)及中國重汽(03808)。
吉利股價連日造好，4月首4個交易日已累升近20%，亦自3月低位15元回升咗約10元，吉利股價今早(9日)平開後，發力向上，一度升近5%，高見24.98元，後市係咪可以繼續睇好？
香港股票分析師協會副主席曾永堅認為，由於吉利今年首兩個月，喺內地車市表現一枝獨秀，加上新能源車佔整體銷量已超過一半，呢兩個催化劑令股價喺3月持續上升，但佢提醒，雖然吉利預測市盈率(PE)僅12倍，唔算好貴，但內地汽電動車市場「內捲」及競爭白熱化問題仍然持續，所以唔能夠排除未來會持續發酵，甚至造成更大負面影響。
Jaseper又提醒，吉利股價喺25元水平有明顯阻力，所以早前入市嘅資金，會慢慢喺貼近25元積極獲利。
