【Now財經台】吉利汽車(00175)今日(17日)中午出咗業績，上半年少賺約2%，但核心利潤按年增長46%，匯兌損失都少咗好多，由第1季近5億人仔，減少至第2季約1.76億人仔，由於海外市場佔比提升，推高咗毛利率，整體毛利率1.6個百分點至17.9%，原材料成本上升、市場競爭持續激烈，仲要比唔少折扣，但毛利率仍有得升，表現係咪已經好好？
高歌證券金融首席分析師聶振邦指，吉利毛利率由2025年16.6%升至現水平，隨著海外業務不斷擴展，雖然毛利率可以有更大上升空間，但仍考慮同內地車企嘅競爭問題。
但聶Sir認為，暫時內地車企對外國車企，尤其美國及歐洲，車價仍有頗大競爭力，因此，就算毛利率增速較慢，未來一兩年都仲有上升空間，以吉利嚟講可能去到19%先會出現飽和嘅情況。
