【Now財經台】早前，騰訊控股(00700)推出內地首個「龍蝦」瀏覽器QBotClaw，已經正式上線，股價今朝(9日)喺500元至510元水平徘徊，如果睇好10天線有支持，想部署進一步反彈，見到唔少熱門CALL槓桿都有8倍或以上，價外15%至35%都有；應該點揀好？
滙豐亞太區財富管理香港上市產品銷售經理盧貴良指，騰訊推出內地第1款「龍蝦」瀏覽器，帶挈股價今日(9日)跑贏阿里巴巴(09988)及美團(03690)，活躍嘅CALL行使價約600元，實際槓桿8倍，但要留意呢類CALL街貨量較高，個別更達100%，如果低街貨又高槓桿，可以留意行使價630元，今年8月到期，實際槓桿11倍。
佢又話，如果認為騰訊近期受其他人工智能(AI)軟件拖累而睇淡，可以考慮行使價428元，今年8月到期，實際槓桿8倍嘅PUT輪。
