【now.com財經】再有中概股申請嚟香港掛牌，百度集團(09888)旗下視頻平台愛奇藝宣布，已經以保密方式向港交所(00388)交咗上市申請。
愛奇藝話，希望透過今次喺香港上市，增加對亞洲機構及散戶投資者嘅關注，以及擴大投資者基礎、提升國際形象等。
此外，集團最近有一個同人工智能(AI)有關嘅動作，就係正式啟動自主研發嘅AI智能助手Nadou Pro嘅公開商業測試，Nadou Pro係內地第1款專門為專業長影片製作而設計嘅AI智能助手。
另一方面，公司董事會已就一項股份回購計劃「開綠燈」，集團可以喺未來18個月，回購最多1億美元股份。
