【Now財經台】騰訊控股(00700)股價跌穿500元後持續受壓，過去5日，好倉有逾6200萬元資金流入，如果好友想繼續趁跌博反彈，可以點部署？
法巴上市衍生產品部銷售及市場推廣主管李梓維表示，騰訊跌穿500元之後，都要視乎跌勢會唔會進一步加劇，現時向下睇已經冇明顯技術支持位，揀牛證唔係咁容易揾到收回價做參考。
佢又指出，市場上唔同價位嘅騰訊牛證選擇都唔少，所以槓桿水平完全視乎投資者承受到幾多收回風險。
投資部署方面，Alvin建議，如果投資者想博反彈，可以留意行使價約600至630元，今年10月到期，較長身嘅CALL輪，可以做到約8至10倍槓桿，雖然槓桿唔算高，但可以避免被強制收回風險。
