【Now財經台】雖然港股今日(9日)又冧過，但成為港股通「新貴」嘅軟件股迅策(03317)，股份價今日價量齊升，仲愈升愈有，一度逆市飆71%，高見130.3元，明顯同北水掃貨有關，值得留意係，集團日前發過盈警，預告去年虧損將會擴大，點解呢隻股份可以成為北水「愛股」？
《香港股票財技密碼》作者梁杰文指，迅策今日價量齊升，相信同半新股貨源歸邊嘅特性有關，集團當日招股引入一定基石投資者，所以喺市場上流通嘅股份唔算多，另一方面，集團近日發咗盈警，但細心分析後，會發現收入大幅增加，虧損其實係收窄緊，可能市場憧憬公司好快可以有錢賺，加上爆冷咁快入到港股通，所以吸引到北水。
Mike認為，迅策短炒無妨，但要小心...
