【專家分析】騰訊放榜前散戶宜「躺平」

【Now財經台】騰訊控股(00700)將會喺3月18日派去年成績表，股價過去約1個月持續向下，一度跌至500元邊緣，股價冇乜催化劑之餘，近日更傳出一個負面消息，就係美國傾緊係咪比騰訊保留遊戲投資，甚至有可能要求騰訊強制剝離當地業務，呢啲負面因素消化晒未，即將出爐嘅業績可唔可以吸引返資金？

王道資本及家族資產管理執行董事黃敏碩指，騰訊以往比人嘅印象沉穩，但喺依家咁多不明朗因素下，投資者宜忍一忍手。Michael續指，由於騰訊係是重磅股，如果有新催化劑及利好消息，有機會大幅推高股價，但呢個同基本面冇關，而係功能性地借勢夾高，佢建議投資者可以睇定啲先，始終單睇騰訊基本面，吸引力的確唔大。