【槓桿致勝】部署騰訊揀CALL好過牛仔

【Now財經台】騰訊控股(00700)今早(27日)一度跌至510元邊緣，之後拗腰向上，一度倒升3.6%，高見530.5元，雖然今朝先跌後升，但其實騰訊股價近期表現麻麻，條款應該點揀？

法興證券上市產品銷售部董事蔡秀虹指，騰訊股價處於反覆向下格局，近期表現弱勢，如果牛證揀得太貼，收回風險會較高，揀得遠可以避開收回風險，但槓桿又唔高，因此，建議投資者做CALL輪部署，可以選擇價外20%至30%，行使價約660至680元，今年7至8月到期，槓桿都做到9至10倍。