【Now財經台】人工智能(AI)界出現新風暴，就係功能多又強嘅AI助理震散全球軟件股，更波及港股嘅科技巨企如美團(03690)、騰訊控股(00700)及阿里巴巴(09988)等，不過，一啲新上市或純AI股仍炒得好癲，點睇相關板塊前景？
蓮華資產合夥人兼首席投資官洪灝指，現時大型科技股已經超賣，其中，美團陷入價格戰困局，要靠補貼外賣搶市場份額，繼而推高成本，由OpenAI前員工創辦嘅新AI工具Anthropic，其中一個強項係可以自動寫代碼，對遊戲公司造成衝擊，依家逾半盈利來自遊戲業務嘅騰訊一定被波及，市場需要時間消化負面情緒。
佢又話，日韓台記憶卡及晶片產業成熟所以受資金追捧，H股自然要被低配，相信呢個情況會維持一段時間。
