【Now財經台】截至早上10時45分止，1小時內《彭博》搜尋量最多港股，依次為中升控股(00881)、銀河娛樂(00027)、海螺水泥(00914)、長和(00001)及天數智芯(09903)。
豪華車4S經銷商中升被踢出恒指成分股，將會喺下周五(3月6日)收市後生效，自恒指季檢結果出爐後，中升股價累跌14%，今日(26日)亦一度大冧近10%，低見10.46元，點睇中升前景？
香港股票分析師協會副主席曾永堅指，中升基本面唔樂觀，作為高端4S品牌經銷商，高價產品持續受消費降級影響，加上內地新能源車市場面對有增無減嘅「內捲」劣勢，加大咗中升嘅壓力，基本面前景都差啲。
Jasper又話，依家除咗追踨恒指嗰類被動基金需要提早調整外，多左唔少投資者趁沽空多，一齊趁亂踩一腳，今早中升沽空比率已達24%，唔建議散戶喺呢個時候「接飛刀」。
