【now.com財經】《財政預算案》出爐前，已傳出會向電動車「一換一」開刀，業界就延長營業時間至凌晨，畀趕尾班車嘅客人試車，更大呻一旦取消「一換一」，就會進入「半年寒冬」，結果一如預期，電動車「一換一」優惠將會喺3月31日完結。
現時喺本港電動車市場佔最大份額係Tesla同比亞迪(01211)，以Tesla Model Y為例，連稅賣逾40萬元，「一換一價」只係逾29萬元，的確係平唔少，比亞迪Sealion 7連稅賣近38萬元，「一換一價」只需逾26萬元，亦係平一大截。
依家距離3月31日仲有個幾月，相信會有唔少車主會趕呢班「尾班車」。
不過，Threads嘅網民又另有睇法:
‧要記住電費係會加，更重要係某啲地區充電樁根本唔夠。
‧依家唔換車，覺得車價都會跌。
‧國產電動車本身應該仲有減價空間。
