【Now財經台】截至早上11時止，過去1小時內《彭博》用戶搜尋量最多港股，依次為美團(03690)、稀宇科技(MINIMAX)(00100)、比亞迪股份(01211)、新鴻基地產(00016)、創科實業(00669)。
美團成為今日(23日)升幅最大藍籌，一度升逾8%，暫時高位見87.5元，上返10天線，上周美團14天RSI跌到約20嘅極度超賣水平，今日大市借美國總統特朗普(Donald Trump)關稅違憲消息大反撲，美團係咪只係跟隊爆升？
富昌證券聯席董事譚朗蔚指，美團主攻內需業務，理論上關稅因素冇乜影響，今日可能係技術性嘅超賣反彈，美團股價過去半年持續弱勢，期間亦發過盈警，基本面已冇乜憧憬可言。
Stevan又話，美團股價只係猛車邊上到86元水平，如果未來上唔返94元水平，只可以視為一個好輕微嘅跌浪反彈，唔好因為單日升得多，就認為股價已經見底。
