【Now財經台】截至早上11時止，過去1小時內《彭博》用戶搜尋量最多港股，依次為稀宇科技(MINIMAX)(00100)、優必選(09880)、智譜(02513)、恒基地產(00012)及騰訊控股(00700)。
MINIMAX股價今日(20日)高開逾5%後，一度升逾15%，高見980元，其後一度倒跌，跌至800元邊緣，之後再發力上衝，股價大幅波動。摩根士丹利指，MINIMAX既有半新股元素，又係國產人工智能(AI)概念股，最新目標價睇930元，半日收市已經到價兼升凸，呢啲利好因素可唔可以繼續推高股價？
大華繼顯執行董事梁偉源指，MINIMAX上市至今已累升近6倍，最近大型科技股轉弱時，MINIMAX反而升勢加劇，反映資金由大型科技股轉投MINIMAX等新上市AI股，但睇返基本因素，公司仲未有錢賺，估計2027年先有機會開始賺錢，加上股價已升咗好多，佢認為後市好難再大升。
