【Now財經台】騰訊控股(00700)股價近期自低位反彈，好友係咪可以繼續加倉博彈得更高？想乘勝追擊揀牛證定CALL輪？
中銀國際證券衍生產品部董事朱紅表示，騰訊股價之前大幅回調時，吸引唔少資金流入好倉博反彈，隨著近日確認反彈，資金流顯示，投資者仍傾向留意好倉條款。
至於揀牛證還是窩輪，Niki認為，取決於投資者嘅風險取向，依家市場上嘅騰訊牛證槓桿相當吸引，普遍做緊逾10倍以上，不過，今年大市波幅相對較大，如果唔想冒太大風險被強制收回，建議選擇收回價遠少少嘅條款。
佢又話，如果投資者想做到進可攻退可守，窩輪會係比較穩健嘅選擇，建議留意行使價約700元，今年8月到期，實際槓桿8倍至9倍嘅CALL。
