【Now財經台】市傳內地人工智能(AI)初創公司Manus正研究重組架構，為來港上市鋪路，現有股東騰訊控股(00700)股價今朝(21日)向上，一度高見428.8元，升2.3%。騰訊好倉有資金追捧，過去5個交易日，有逾3000萬元坐貨，熱門CALL或牛證槓桿都高，唔少做到逾10倍，騰訊股價喺400元有唔錯支持，多唔多好友喺呢個位部署牛證？還是CALL輪更受歡迎？
滙豐香港上市產品及財富管理戰略合作主管陳恩因指，睇返過去一周，騰訊牛證有較多資金流入，單計上周五(18日)已有逾1300萬元流入，但如果想避開收回風險，亦有資金揀CALL輪，例如明年2月到期，行使價476元，槓桿7倍嘅條款，佢又提醒，如果部署CALL輪要留意引伸波幅。
