【Now財經台】東鵬飲料(09980)今日(4日)上市第2日，股價炒高逾9%，收報275.8元，據內媒報道，東鵬同印尼華商三林集團合資發展功能飲料業務，算唔算係一個利好消息？呢隻消費股前景又係點？
信達國際研究部助理經理陳樂怡指，消息面方面會有幫助，睇返合作層面主要係網絡鋪排或功能飲品研發，投資者可以留意之後會唔會有更多消息公布。
Tracy又話，東鵬呢類做功能飲料嘅消費股，如果細分賽道，增長潛力會較高，加上內需層面穩紮穩打配合，估計未來仍有幾大發展空間，毛利率跟同業比較亦有領先優勢，如果未來盈利增速可以維持，相信估值會交到功課。
