【新股唔係焦點？】東鵬首掛冇睇頭

【now.com財經】港股近日市況明顯轉差，恒生指數過去兩個交易日累跌近1200點，內地能量飲品製造商東鵬飲料(09980)今日(3日)首掛唔知有冇影響，但暗盤昨日(2日)走勢反覆，最終輕微高收，港股今朝反彈，但東鵬開市早段僅靠穩。

東鵬開市報248元，跟招股價持平，其後一度高見249.8元，高0.7%，其後一度「潛水」，低見246.8元，最新報248.2元。若以暫時即市高位計，每手100股，不計手續費，一手帳賺約180元，暫時成交逾5.6億元。