【Now財經台】截至早上11時止，過去1小時內《彭博》用戶搜尋量最多港股，依次為石藥集團(01093)、新世界發展(00017)、紫金礦業(02899)、中國宏穚(01378)、中國鋁業(02600)。
石藥今日(30日)開市前公布，同國際大藥廠阿斯利康(AstraZeneca)簽署海外授權協議，其首付高達12億美元，潛在開發及銷售里程碑付款合共近185億美元，雖然傳出重大利好消息，但股價今日反而喺大成交下急挫，一度瀉逾12%。
紅蟻資本投資總監李澤銘指，中長線嚟講，今次合作對石藥絕對有利，因為內地藥廠研發利潤，最大部分一般來自海外，同大藥廠合作將創新藥商業化及變現係最快嘅方法，加上大藥廠喺臨床三期前介入，可以分擔後期臨場試驗嘅龐大支出，對石藥未來現金流及藥物研發有正面幫助。
Alan又認為，石藥股價今日大跌，主要係利好消息已提前反映，睇返今年1月中，生物科技板塊整體向下，但石藥仍逆市升，走勢同板塊背馳，相信過去兩星期入場嘅投資者已先行獲利，估計石藥股價短期仍有調整空間，但中長線仍然正面。
