【Now財經台】早前，市傳美國晶片巨頭英偉達(Nvidia)嘅H200晶片獲內地「開綠燈」，但冇影響華虹半導體(01347)強勢，股價暫時已連升第6個交易日，今朝(28日)又破頂，一度高見121.5元，升逾6%。如果想部署好倉，見到受歡迎嘅CALL價外逾10%至20%都有唔少選擇，槓桿3倍至4倍，但華虹股價升唔停，大部分CALL嘅引伸波幅已經喺70%樓上，選擇時有咩要留意？
中銀國際證券衍生產品部董事朱紅指，華虹股價踏入2026年已累升逾50%，最新傳嚟有晶片大幅加價80%嘅消息，刺激晶片股今日造好，佢又話，揀條款時可以考慮行使價145元，今年9月到期，槓桿4倍至5倍，又認為呢類強勢板塊嘅產品條款，都可以考慮揀得進取啲。
