【now.com財經】騰訊控股(00700)曾經係京東集團(09618)及美團(03690)主要股東，但幾年前開始，透過實分派方式回饋股東，集團喺呢兩家公司嘅持股量不斷下降。
最新有內媒引述主席馬化騰喺2025年度員工大會透露，集團已經同美團及京東「分手」，退出兩家公司嘅投資，而總裁劉熾平都退出咗相關公司嘅董事會，唔知去年爆發嘅外賣大戰，導致阿里巴巴(09988)、京東及美團要不斷燒錢打呢場硬仗，係咪今次「分手」嘅導火線之一？
報道又指，馬化騰直言「對騰訊嚟講，穩紮穩打仍然係核心戰略之一，依家唯一及仍然值得投入就係人工智能(AI)。」
